أولا نقوم بغسل الحمص جيدا حتى يصبح ماؤه نقي وصافي ثم نبيتو فيه ليلة كاملة وفي الصباح نطيبو في مائه اللي بات فيه

نخليه يغلي جيدا و نحيلو هاديك الرغوة البيضة حتى تروح كامل ثم نغلق عليها الكوكوت حتى طيب منبعد نديرلها الزيت، الملح الثوم، والحار الأحمر والكمون ونخليها تغلي ثم نضيفلها الطماطم المصبرة ونخليها طيب....

وسر البنة تاعها أنك تحكمي الملعقة تع الطبخ وتعبزي حبات حمص حوالي صحن هو اللي يرجعهالك خاترة ولازم مايكونش فيها بزاف الماء وكي يطلع الزيت طفيلها.

حضري الصوص : قشري الطماطم حوالي 1كلغ وارحيها خشينة وارحي أيضا الحار حوالي رطل لأنو أصل الطبخة جي حارة قطعيلهم حوالي ربطة حشيش وديريلهم زيت الزيتون والملح والهريسة والخل وخلطيهم جيدا ثم عند التقديم فرغي في بول الحمص وديري فوقها الصوص....خلطيهم وزينيها بالحشيشة والمرقد واذا كان عندك ليمون...وصدقيني الوصفة مجربة وناجحة بإذن الله