نسلق المكرونه بمويه وملح وشوية زيت زيتون..

نقلي لحم البرقر في شوي زيت زيتون وبعدها نشيلها على ورق نشاف يمتص الزيت منها.. وبعدها نقطعها مربعات..

نحمس البصل في نفس مقلاة البرقر مع الزيت المتبقي وبعدها نضيف الفلفل الرومي المقطع شرايح ونضيف بعدها الكزبره ونحركها شوي.. بعدها نضيف الطماطم المفرومه ونضيف الملح والبهارات..

نضيف المكرونه بعدما استوت على الكشنه ونضيف قطع لحم البرقر ونحركها مع بعض لحد ماتمتزج المقادير كلها مع بعض.. وكل ماكان قطع اللحم كثير كان ألذ.. وبعدها نشيلها من على النار..

نخلط مقادير الصوص مع بعض بعدها نضيفها للمكرونه ونحركها وبعدها نسكبها بصينيه زجاج ونرش عليها جبن موزريلا.. وندخلها الفرن شوي بس تذوب الجبنه.. انا حطيتها بصينيه زجاج وغطيتها ودخلتها الماكرويف ٤ دقايق.. وبعدها تقدم بالعافيه...

ملاحظه. بامكانك تضيفي اي خضار تحبي حسب المتوفر. مكعبات جزر.. ذره.. بروكلي.. لزيادة الفايده الغذائيه للطبق..