نسلق المكرونه عادي بالطريقه المعتاده مع نطره زيت و ملح

نحط في طاسه زيت عادي او زيت زيتون بس انا حاطه زين زيتون عشان يديني نكهه

احط الملح و الفلفل و الجمبري يتشوح مع زيت الزيتون و فصين التوم المهروسين اهم حاجه و كمان الباربكيا و شويه لما احس الجمبري بدأ يستوي اضيف نص معلقه صلصه

و بعدين احضر شويه بشاميل علي اد كميه المكرونه كده سواء جاهز او بالدقيق و السمنه و اللبن

في الوقت ده تكون المكرونه اتسلقت ابدأ اصفيها و بعدين احطها تاني في الحله و احط الجمبري عليها

و اضيف كمان نص معلقه صلصله علي المكرونه و احط البشاميل حسب الرغبه و اقلب

و بعدين اغلي شويه مايه صغيرين و احط المكعب المرقه و ادوبه و احطهم علي المكرونه

لما احس ان كلوا مع بعضوا بقا قوامه حلو و استوي هحطها في طبق وقت التقديم ارش علي الوش جبنه موتزريلا و ادخلها المايكرويف تسيح و بالف هنا💜