نسلق الدجاج ونزيل الزفرة عن الوجه ومنحطلو مع السلق ورق غار وزنجبيل وهيل

ننقع الملوخية بماء ساخن شي نص ساعة لحتى تفتح الورقة وتطرى بعدين منصفيها ومنغسلا بمي عادية ومنتركا لتصفى منيح

منقشر الثوم ومنقطعو ومنحطو بالطنجرة مع ملعقتين سمنة ومنقلبو منضيف عليه الكزبرة ومنقلب لحتى يشقر لون الثوم بعدا منضيف الملوخية بعد ماتكون صفيت تمام من الماء ومنقلبها مع الثوم شي خمس دقايق ثم نضيف مرقة الدجاج المسلوق عليها لحتى تنغمر مع مكعبين الماجي ومنتركا تغلي مع الملوخية وكل شوي منحركا لحتى تقرب تستوي ورقة الملوخية

منكون منتفين الدجاج لقطع صغيرة منضيفو على الملوخية ومنخلطن سوا شي دقيقتين ومنطفي النار وهيك بتكون الملوخية صارت جاهزة منسكبا ومنقدما عليها عصرة ليمون وبجنبا رز بشعيرية وصحة وميت هنا 🌷