إفتح في تطبيق كوكبادالخطوات
- 1
تغسل الكوسا و تنظف و تحفر لتكون جاهزة للحشي و توضع جانيا. يفضل ماتكون سميكة و لا رقيقة جدا وسط.
- 2
في مقلاة, نضع زيت و نقلي اللحمة مع الصنوبر. و بس تبرد منحشي الكوسا.
- 3
بعدها منحط طنجرة و فيها زيت لقلي الكوسا حتى تذبل. و يلي بحب للسرعة في مقلاية نوضع قليل من الزيت و منقلب الكوسا لتذبل.
- 4
توضع جانبا لتتصفى من الزيت.
- 5
كيلو لبن منحطو بالخلاط ليفرط. و مناخد منو كاسة منخلطها مع معلقتين نشا.
- 6
بطنجرة,منحط اللبن على النار و منبلش نضيف كاسة اللبن مع النشا على مهل, مع تحريك مستمر لحتى يسخن اللبن.
- 7
بس يسخن اللبن, منضيف كاسة من مية سلق لحمة, بضيف نكهة طيبة كتير.
- 8
و بعدها ليسخن و يبلش يعمل دوائر, مننزل الكوسا و لعشر دقايق على نار هادية.
- 9
و صحتين و عافية.
- 10
يقدم مع الرز جانبا.
- 11
يلي مابحب قلي الكوسا الافضل صحياً انو ماتنقلي و تحفر بسماكة قليلة و تستوي باللبن, لاصحاب الكولسترول المرتفع و بالعافية.
- 12
لب الكوسا يوضع على نار هادية مع قليل من زيت زيتون حتى يدبل و يستوي منحط فصين ثوم مدقوقين و رشة نعنع و صحتين.
- 13
طريقة اللبن نفسها للشاكرية و شيش برك 👍🏻✌🏻👏🏻
كلمات ذات صلة
وصفات مشابهة
وصفات ننصحك بمشاهدتها
التعليقات