نجهز الباذنجان للسلق بنشيل من العرق الاخضر وبنعمل بجنبو شق بالسكين

بنسلق الباذنجان بمي بتغلي لمدة نصف ساعة او على حسب نوعية الباذنجان مع مراعاة وضع ثقل لانو الباذنجان بيطفو على وجه الطنجرة

بنشيل الباذنجان من الماء المغلي وبنحطو بمي باردة وبنتركو ليبرد

بنصفي الباذنجان وبنصير نحط بقلب الشق يلي عملنا رشة ملح وبنصفو بمصفاة لنخلص الكمية

بنحط المصفاة على وعاء وبنحط فوق الباذنحان ثقل وبنخليه يومين

بعد يومين بنجهزو للحشي بنكسر الجوز وبنضيفلو الشطة والثوم المهروس وشوية زيت ورشة ملح وبنحشي الباذنجان وبنصفو بالمرتبان

بس نخلص حشي بنقلب المرتبان على وجهو لحتى تصفى المي يوم وليلة

بنضيف عليه زيت ليغمروا وبنتركوا شي اسبوع بصير جاهز للاكل