اللحمه منغسلها كويس ومنسلقها مرتين من دون ما اضيف شي لحتى تنشال رغوة اللحمه تقريبا كل مره تلت ساعه ومنغسيلهم ومنحطهم في طنجره ومنضيف على ميت السلق حبة ماجي وملعقه صغيره بهار منسف ورشة هيل ورشة فلفل اسود وحبة بصل كبيره رشة قرفه ومنطبخهم لحتى يستوا بدهم ساعه ونصف على نار هادئه

في هاد الوقت مننقع الرز
زر صنوايت لمده ربع ساعه منغسله ومنطبخه
كل كوب رز بده كوب وربع ماء وملعقتين كبار سمنه فقط او ربع كوب زيت نباتي ومنطبخه على نار عاليه لحتى يغلي وبعدين منوطي عليه النار لحتى يستوي ومنحطه على جنب

منعمل اللبن
في الخلاط كيلوا لبن وبيضه منخلطهم و منصفيهم بالمصفاه في طنجره ومنضيف عليه رشة كركم وميت السلق بعد ما انصفيها وملعقتين سمنه وملح اذا اجتاجنا منطلنا نحرك فيه على الغاز لحتى يغلي مشان ما يفرط اللبن ومنحط اللحمه ومنخليهم يغلوا مع بعض شوي ومنقدم المنسف متل ما منحب.