إفتح في تطبيق كوكبادالخطوات
- 1
بجيب صدور الدجاج بنضفها وبنسحبها من العضم وبنقطعها لمكعبات ونضعهم بجاط
- 2
نضيف لقطع الدجاج نصف كوب عصير الليمون ونصف كوب زيت قلي وباكيت ماجي بودره وبهارات شاورما وكاري وفلفل اسود ورشة قرفه مطحونه وملح وبابريكا والتوم المبروش وراس بصل مفروم ريِّش بخلط جميع المكونات ببعضها
- 3
بنغلف جاط الدجاج بكيس نايلون لحفضو وبنتركو يرتاح(4 - 5)ساعات او اكتر لحتى يتشرب الدجاج تتبيلتو بالتلاجه
- 4
عند انقضاء المده الزمنيه نخرج الدجاج و عجنب بنجهز المقلى ونحمي فيه قليل من الزيت(لانه في كميه زيت انضافت لتتبيلة الدجاج 👆) نضيف الدجاج بدون البصل ونقلبه ونغطي عليه عشان المي الى بتطلع من الدجاج هيه تستويه بدون اضافة شيء بنشيك كل شوي
- 5
على جنب بنشوح حلقات فليفله خضرا وبنجهز البطاطا ونقليها وبس نخلص بنطلعها على فاين لحتى يتشرب الزيت واخر شي بنضيف الملح وبهارات البطاطا
- 6
الآن بنفرد رغيف خبز الشراك عسطح نضيف وبندهنو كميه كافيه مايونيز وبنضيف طبقه من الدجاج والمخلل وبعدها البطاطا والفليفله الخضرا وبعدها طبقه دجاج مع زيتون اسود حلقات وبطاطا واخر شي بنضيف طبقه من جبنة الموزاريلا (الطبقات لازم تكون مرتبه وبكميات متساويه) واخر شي بنقفلها برغيف خبز شراك من جميع الجهات بحيث لا تخرج الحشوه برا
- 7
نحمي الفرن بندهن قاع الصينيه بزيت ونضع قرص الشاورما عليه وبندهن القرص من فوق واخر شي بنرصها بغطا وبنحطها بالفرن على درجة حراره مناسبه بس لتتجانس المكونات وتذوب الجبنه بالداخل شي 10دقايق وبنحمر وجهها ثم نخرجها من الفرن ونقطعها مثلثات متل ما منقطع البيتزا
- 8
بعد التقطيع بنضعها بصحن التقديم وبجانبه البطاطا وشرائح المخللات والكتشاب ومايونيز وبطلع طيب مع السفن آب وصحه وهنا😍 ٱممممم طعم خرافي
الكوكسناب
وصفات مشابهة
وصفات ننصحك بمشاهدتها
التعليقات