هنقطع الجزر و البصل و الكرات اربع ارباع كبار و نحطهم فى مايه ونغليهم ينزلو نكهتهم وناخد بالنا نقطعهم كبار علشان هنشيلهم بعد كده

بعد دقيقتين او تلاته ننزل الكرافس وده مش هنشيله فنقطعه صغير (لا يتم خرطه فقط تقطيعه و الاسهل يتم تقطيعه بالمقص;))

وكمان ننزل بالبهارات كلها الحبهان و المستكة و وورق اللورى و الفلفل و رشة جوزة الطيب

نسيبهم يغلو جدااا جدااا لازم المايه تبقى بتغلى قبل ما نحط السى فوود

هنطلع السى فوود من العلبه و نغسلهم كويس جدا تحت المايه بنحطهم فى مصفاه الكبيره وننزل عليهم مايه كتير

وبعدين نحطهم فى الشوربه مش اكتر من 5 دقايق(ميزه السى فوود انه سريع النضج)

بعد الخمس دقايق نبدا نصفى الشوربه الاول من (الجزر/البصل/الكرات/الحبهان/ورق اللورى)

ونسيب السى فوود مع الكرفس يهدا شويه فى الشوربه

طاسه كبيره شويه على النار فيها معلقه الزيت و التوم و الدقيق (خدى بالك متستخدميش سمنه او زبده نهائى فى اى وصفه سمك او سى فوود علشان ميزفرش الاكله) المهم هنقلبهم كويس جدا على النار

اول لما يبدأ الدقيق لونه يغمق شويه هنشيل السى فوود من الشوربه و نحطه فى الطاسه ياخد تقليبه مع التوم و الدقيق

اوووووعى ترمى المااايه بتاعت السى فووود :) :) :) :)

بعد ما تشمى الريحه الرائعه نتيجة مزيج السى فوود مع الثوم انزلى بقى بكريمه الطهى و قلبى حبه حلوين :)

وبعدين كووول ده نرجعه تانى فى مايه السلق بتاعت السى فوود الى قلتلك ماترميهاش فاااكرة :) :)

هياخد غلوتين وخلاص كده تمت الشوربه بنجاح :)

بنعمل معاها بطاطس محمرة و طحينه بتبقى تجنن