تورتة الفراولة
اول تجربة ليا مع التورتة البيتي والحمد لله كانت معقولة جدا وبيتهيألي التذويق هيبقى افضل من كده في المرات اللي جاية ان شاء الله
تورتة الفراولة
اول تجربة ليا مع التورتة البيتي والحمد لله كانت معقولة جدا وبيتهيألي التذويق هيبقى افضل من كده في المرات اللي جاية ان شاء الله
إفتح في تطبيق كوكبادالخطوات
- 1
قبل مانبتدي في الكيك هنعمل الصوص ونسيبه يبرد... في كزارولة على النار حطي الفراولة والسكر والمية وقلبي فيها لحد مايدوب السكر وتغلي....
- 2
اول ما تغلي شيليه من على النار واخلطيه في الخلاط لحد ماينعم خالص ورجعيه للنار تاني...
- 3
بعد كده ضيفي الليمون والنشا المدوب في مية وسيبيها تغلي دقيقتين وبس كده
- 4
لعمل الكيكة هنضرب البيض مع الفانيليا بالمضرب على سرعة عالية لحد ما يتضاعف حجمه
- 5
هنضيف السكر البودرة بالتدريج ونستمر في الخفق لحد مايتقل القوام شوية
- 6
هنضيف الدقيق المنخول مع البيكنج باودر على الخليط بالتدريج وهنقلب بالسباتيولا في اتجاه واحد لحد مايختفي الدقيق تماما
- 7
هنحط الكيكة في صينية مدهونة زيت ودقيق وندخلها الفرن على حرارة ١٦٠ لمدة نص ساعة او اكتر شوية لحد ماتستوي
- 8
وطبعا خلال النص ساعة منفتحش الفرن خالص عشان متهبطش الكيكة مننا
- 9
هنطلعها ونسيبها تبرد كويس خالص قبل التزيين
- 10
قطعي التورتة الى ٣ طبقات احشي كل طبقة بصوص الفراولة اللي عملناه ورصيهم فوق بعض
- 11
غطي الكيكة بالكريم شانتيه
- 12
رصي شرايح الفراولة بالطريقة اللي تحبيها
- 13
حطي فورماسيل ملون او بني على الجناب ودخليها التلاجة تبرد ساعتين او اكتر قبل التقديم
- 14
ملحوظة ممكن تلمعي الفراولة بملعقة عسل نحل مخففة بملعقة مية كبديل للملمع الخاص بالتورت
الكوكسناب
وصفات مشابهة
وصفات ننصحك بمشاهدتها
التعليقات