الحله السحريه بتاعتنا هنجهز فيها كل خطوات المسقعه

هنسخن الزيت على النار ولغايه ما يسخن نقشر الباذنجان و نقطعه ترانشات ونقطع كمان الفلفل ترانشات

مع كل مره تحمير للباذنجان هننزل شويه من الفلفل علشان الاتنين يتشربو من بعض

بعد ما كل البادنجان يتحمر هنسيبه يهدا تماما في طبق

ونحط الزيت الى حمرنا بيه في برطمان علشان نعيد تصنيعه " فيه مجموعه شباب بيجو ياخدو الزيت وعلى كل ٦ لتر تقريبا بيديكو زجاجه بريل )

معلقه زيت نضيفه و ننزل بالبصله الى بشرناها و معلقه صغيره فلفل ومعلقه صغيره ملح وبعدين ننزل باللحمه تتعصج

بعد ما عصجنا اللحمه هنحطها في طبق لوحدها

معلقه زبدة و بصلةمبشورك ومعلقه صغيره ملح ومعلقه صغيره فلفل ومعلقه صغيره سكر

ونكون مجهزين الطماطم المبشوره مع ورق اللورى واول ما البصل يجهز ننزل بعصير الطماطم

اول ما يغلى غلوتين ننزل بمعلقتين الصلصه ونسيبهم يندمجو مع بعض و نزود كوب مايه ونسيبهم شويه يتسبكو

اول ما الصلصه تتسبك نحطها في طبق بعد ما نحط معلقتين منهم على طبق اللحمه

معلقه زبده وننزل عليها بالدقيق ومعلقه صغيره ملح ومعلقه صغيره فلفل لغايه ما يتحمر

نبدا ننزل بالتدريج باللبن ونقلب تقلبتين حلوين كده لغايه ما البشاميل يتماسك

كده بقى عندنا طبق باذنجان وفلفل متحمر / طبق صلصه/طبق لحمه بالصلصه /والبشاميل في الحله السحريه بتاعتنا 😎

هنجيل صينيه بايركس او تيفال ونقسم الباذنجان والفلفل على طبقتين

طبقه باذنجان وفلفل و طبقه صلصه و طبقه لحمه مفرومه و طبقه باذنجان وفلفل و طبقه صلصه و بعدين طبقه الموتزاريلا 😋

وفى الاخر ننزل بالبشاميل العظيم

هنحطها في الفرن على درجه حراره متوسطه

الف هنا 😍