هنسلق صدور الفراخ في مايه فقط بعد ما ندق عليها دقتين

هنقطع الفراخ شرائح رفيعه جدا

هنتبلها فلفل و ليمون كتييير و بودره توم و بودره بصل

نص ساعه على الاقل في التلاجه

المهم في الوصفه ان شرايح الفراخ تكون بعرض صوباعين بالظبط متكونش عريضه يعنى

هنجيب العيش السن و ننشفه في الفرن و نطحنه في الكبه و بكده بقى عندنا بقسماط دايت 😎

هنطلع الفراخ من التلاجه و نجيب ذبادى و نضرب الزبادي بالشوكه كويس جداااا لغايه ما تبقى مايه

هنعمل الفراخ في ذبادى و بقسماط بدل البيض و بقسماط طبقتين او تلاته

و نحطهم في صينيه الفرن. وندخلها الفرن على درجه حراره عاليه شويه و نسيبها تاخد سويها و تتقرمش

بنقدمها مع سلطه البطاطس "هتلاقوها في وصفاتى"

وبالف هنا 😍