اول خطوه اطبخ الدجاج بالطريقه المعتاده بالمرق الين تستوي

بمقلاه احط زيت واحط عليه بصل مقطع شرايح ابدا اشوح فيه واحط البطاطس واستمر في التحريك أضيف الطماطم

ثم أضيف الدجاج واخلي النار هاديه وارش عليها البهارات وفلفل اخضر ورشه خفيفه صفار زعفران أو لو مو متوفر عندك ممكن تستبدلي ملعقه صلصه طماطم أو ملعقه كركم دا بس عشان اللون والتحمير

استمر بالتقليب الين الدجاج والبطاطس يخذ اللون الذهبي ويصير مستوي والين يخذو النكهه كويس

طبعا كل ما احرك فيها ارجع اغطي عليها ما اخليها مفتوحه عشان بضلو محتفظ بالريحه جوا الدجاج وعشان تكون كمان رطبه. الين قريب الاستواء افتح الغطاء واحركها كدا

والبهارات كلها في مطحنه البهارات احطها كلها واطحنها لكن ما اخليها ناعم بزياده اخليها مجروشه لكن صغيره جدا

لان السر في البهارات وقت القلي والتشويح اللي تكون مجروشه أفضل تحتفظ بالريحه أكثر من المطحونه تماما

وعليكم الف عافيه ❤️😋