بصحن عميق بنخلط الحليب البودره والطحين وكريونات الصودا.

بنذوب معلقة الزبده وبنضيفها الخليط.

بنخلط الزبده منيح لنتاكد ان كل الخليط ترطب من الزبده

بنضيف معلقتين حليب سائل وبنخلطها وبنتاكد لو الخليط منيح ومتماسك تمام لو ما تماسك بنضيف كمان معلقه.

بنقسم العجين ل 12 كره مستويات بس اهم نقطه انو الكرات لازم تكون ناعمه ومافيها شقوق ولو شفتي فيهم كتير شقوق وما زابطه زودي معلقة الحليب لانو العجين بكون جاف.

ما بهم حجم الكرات انها صغيره لان حجمها بتضاعف بالزيت.

بنسخن زيت عميق بس لحد نرمي فيه كره تطفو عالوجه بلا ما يتغير لونها.

نضل نحركها بخفه بالزيت لحد يصير لونها ذهبي ل بني بس ما تخليها كتير بصير فيها نكهة حرق.

ع جنب بنحط الماء والسكر والهيل وماء الورد يغلي عشر دقايق لحد يصير لزج نسبيا وبعدها بنطفي عليه وبنحط الليمون.

هلا بعد قلي الكرات بنحطهم بالشيره وهيه دافيه مانستناها تبرد وبنخليها بالشيره ساعتين وبنغطيها