الفسيخ المخلل البيتى
إفتح في تطبيق كوكبادالخطوات
- 1
نغسل السمك كويس من بره فقط طبعا ونسيبه يتصفا في طبق بلاستيك نص ساعه
- 2
نحضر طبق غويط ونضع به مناديل ورق تشرب ميته واحنا بنصفيه ونبدا بمسك سمكه سمكه ونحط فكل خيشوم منديل ورق عشان يشرب الدم اللى فيها ونحطه راسه تحت وذيله فوق لسهولة التصفيه من كل الاتجاهات كمناديل وكوقفته ومن وقت للتانى نغير المنديل عشان يبقى سهل يفضى كل الدم اللى فيه ونسيبه لمدة 6 ساعات يخلص كل اللى فيه
- 3
نحضر الحشوه بقى وهى كل المقادير اللى فوق ما عدا الزيت والليمون ونقلبهم كويس نمسك سمكه سمكه ونضعها فالحشوه ككل
- 4
نحشي كل خيشوم من خياشيم السمكه السمكه بالخلطه
- 5
ونقلبها تانى فالخلطه عشان كلها ياخد من الخلطه
- 6
نفتح كيس ونبدأ نحط السمكه فيها بحيث تكون كل سمكه عكس اتجاه السمكه التانيه بمعنى كل راس سمكه يواجهها ذيل السمكه التانيه لحد منخلص الكميه كلها
- 7
نرش الزيت على سطح السمك البورى بعد منخلص الكميه كلها مع وضع شرايح الليمون فكل الجوانب ونقفله كويس اوى مع تفريغ الهواء منه ونفرغه ازاى اننا نتكى عليه براحه واحنا بنلفه عشان يخرج الهواء منه عذرا مفيش صوره لان ايدى كانت زفره جدا
- 8
نحط الكيس فباقى الاكياس وبردو نقفله بنفس الطريقه وهى تفريغ الهواء ونحطه في حله بغطاء محكم وكل يوم نقلب الكيس على الوش التانى لمدة 15 يوم لو شتاء ول 10 ايام لو صيف
- 9
نفتحها ونغسلها كويس ونضفها من جوه وبيكون ده شكلها وجاهز للاكل
- 10
عند التحضبر للاكل نضع عليها ملعقه خل ابيض وعصير ليمون وده حسب الرغبه وبالف هنا
الكوكسناب
من الأكثر بحثًا في
وصفات مشابهة
وصفات ننصحك بمشاهدتها
التعليقات