اول شي بنجهز الشيرة بنحط السكر والماء حتى يبدأ بالغليان وذاب السكر بنضيف ملعقة عصير الليمون ونتركها حتى تثقل الشيرة بنطفي الغاز ونتركها تبرد

بنحط الطحين والسكر والفانيليا والنشاء والحليب البودرة والخميرة ونخلطهن منيح بعدين بنضيف الماء بالتدريج حتى تكون عجينة لا سائلة ولا جامدة وسط قوامها اثقل من قوام ألبان كيك ونتركها تخمر ساعة حتى يتضاعف حجمها

بنحمي الزيت على النار وتكون النار خفيفة مو قوية ونبلش نشكل اللقيمات ونقليهن حتى ياخدو لون دهبي خفيف بنطلعهن من الزيت حتى نكمل كل اللقيمات بنرجع نحمي الزيت مرة تانية ونحميه منيح ونرجع نقلي اللقيمات حتى تاخد اللون الدهبي الغامق وتكون مقرمشة

بنحط اللقيمات وهية سخنة بالشيرة الباردة وبسرعة بنشيلهن حتى مايطرو ونصفيهن منيح من الشيرة وبالعافية