نقشر البطاطس المسلوقة ونهرسها كويس جدا

نحط عليها التوابل لحد ما الملح يتظبط

طريقة عصاج اللحمة ::نبشر بصلتين ونحطهم على النار وفوقها اللحم المفروم وملح وفلفل وممكن ملعقة صلصة ونسيبهم يستووا مع بعض

طريقة البشاميل :: نسيح الزبدة ونقلب فيها الدقيق لحد ما يتغير لونه وننزل فوقه باللبن ونقلب بالمضرب اليدوى لحد ما يوصل للقوام المطلوب ونحط عليه الملح والفلفل وبعد ما يبرد نكسر فيه البيضة ونقلب كويس ومهم جدا الفلفل علشان ريحة البيض

نجيب طاجن بايركس وندهنه زبدة ونحط نص البطاطس ونساويها كويس وفوقها اللحم المفروم وفوقها باقي البطاطس ونساويها وفوقها البشاميل وعليه رشة خفيفة بقسماط مطحون على الوجه

تقدم مع رز بالكارى والكركم مع سلطة خضراء