نغسل الفراوله ونقطعها كل حبه نصين, لحتى تخلص كل كميه. بنضيف السكر وبحط الفراوله بالثلاجه لثاني يوم.

ثاني يوم بتكون الفراوله نزلت ميتها, بنحطها في طنجرة وعلى غاز لحتى تغلي.

بنشيل الرغوة اللي بتطلع. بنضيف عصير الليمون وبنخلي على الغاز على العالي اول ربع ساعه. بعدين بنوطي تحت الطنجرة لحتى يتسبك المربى على راحتو. وكل ما تطلع رغوة بنشيلها لحتى يستوي.

بس يجهز, بنخلي الربى يبرد تماما قبل وضعه في مرتبان زجاج. ويفضل انو يكون ناشف تماما من ماء, لانو الماء بتخرب المربى وبالتالي بعفن. وصحتين وعافيه.