نفصل الصفار عن البياض.

في البولة اللي فيها البياض, هنضيف رشة ملح وهنضرب بالمضرب على سرعة عالية. وبالتدريج هنضيف نص كمية السكر اللي في المقادير. هنستمر في الخفق لحد مانحصل على رغوة زي القطن, ونسيبها على جنب.

في البولة اللي فيها الصفار, هنضيف الفانيليا ونخفق بالمضرب وبعدين باقي كمية السكر مع الاستمرار في الخفق. وبعدين نضيف الحليب والزيت ونخفق لحد ماتتجانس المكونات. ونضيف بعد كده الدقيق بالتدريج ونخفق بالمضرب برضه.

هناخد ملعقتين كبار من خليط البياض هنضيفهم على خليط الصفار ونقلب بالراحة بالسباتيولا في اتجاه واحد.

بعد ما يتخلطو كويس, ضيفي باقي خليط البياض كلو وقلبي بالسباتيولا بنفس الطريقة, لحد مايتجانس اللون.

صبي الخليط في صينية مدهونة زبدة ومرشوشة بالدقيق ويفضل تكون مبطنة بورق زبدة. ودخليه الفرن على درجة حرارة متوسطة تقريبا ربع ساعة او اكتر, حسب نوع الفرن.

اول ماتخرج من الفرن, اقلبيها على فوطة مرشوشة بالمية وادهنيها بالمربى ولفيها بالراحة.

دخليها التلاجة تبرد, لمدة ساعتين تقريبا.

بعد كده خرجيها من التلاجة ورشيها بالسكر البودرة وقطعيها قطع متساوية في السماكة وقدميها. بالهنا والشفا. 😘