عمل السمنه في البيت عشان رمضان بأقل التكلفه
قشطة اللبن بطلعها من اللبن واحطها في علبه في الفريزر جمعت حوالي2كيلو قشطه في حوالي4شهور لازم تتحط في الفريزر
عمل السمنه في البيت عشان رمضان بأقل التكلفه
قشطة اللبن بطلعها من اللبن واحطها في علبه في الفريزر جمعت حوالي2كيلو قشطه في حوالي4شهور لازم تتحط في الفريزر
إفتح في تطبيق كوكبادالخطوات
- 1
بطلعى القشطه من الفريزر تحطيها في التلاجه تفك
- 2
وبعدين تضربيها بأيدك لحد ماكلها تندمج مع بعضها وتحسي انها بقت سايله شويه تضربيها حوالي 10دقايق
- 3
بتحطى القشطه على نار هاديه خاااااالص اهم حاجه نار تكون واطيه جداااا وشكلها بعد ربع ساعه تقريبا بيبقا كده زى الصوره
- 4
بتحطى ملعقة الملح ومع التقليب المستمر كل حوالي 10دقايق ربع ساعه طول مدة التسييح وبعد حوالي ساعه ونص او ساعتين لونها بيبتدى يتغيير والسمنه تبتدى تبان وهيبقا في رغاوى كتير على الوش ماتقلقيش دى بداية المورته
- 5
وبعد حوالي 3ساعات ومع غليان السمنه على نار واطيه المورته بتنزل لتحت وتبان واهم حاجه التقليب المستمر وتكحتى قعر الحله بمعلقه خشب طول ما انتى بتقلبي عشان المورته ماتلزقش وتتحرق والسمنه ريحتها وطعمها يتغيرو
- 6
وبعد اربع ساعات تقريبا بتوصلي للسمنه طبعا الصوره دى بعد ما طلعت المورته بالمصفاه وكمان صافيت السمنه من المورته وحطتها في علبه والي في القعر ده مورته ناعمه جدا نزلت من المصفاه
- 7
وطلعى المورته بمصفاه وحطيها في علبه او طبق
- 8
ودى شكل السمنه بعد ماجمدت
- 9
مدتها حوالى 4 ساعات متواصلين مع التقليب المستمر كل حوالي 10 دقايق او ربع ساعه وكحت القعر بمعلقه خشب وعلي نار هاديه خالص طول المده واضمنلك ان والله احلا نوع سمنه هتستعملي في حياتك
الكوكسناب
وصفات مشابهة
وصفات ننصحك بمشاهدتها
التعليقات