اطحن البسكوت وعقب اضيف له الزبدة والقشطة واخلطه زين. وارصه في قالب التشيزكيك المتحرك. وادخله الثلاجة لحد ما اخلص خلط مكونات الطبقة الثانية.

احط الحليب والفانيلا ومغلفين الدريم ويب واخفقها لحد ما تنفش. وبعدها اضيف باقي المكونات, جبن و قشطة و حليب مركز.

نأتي بالماي الحار ونذوب فيه ثلاث ملاعق جيلاتين باود, من يبرد الجيلاتين اخلطه معهم واصبه فوق طبقة البسكوت. ونخليه يبات ليلة كامله بالثلاجة.

اطبخ المانجو مع فنجان سكر على نار هادية. ومن ينهرس, ازيده بالفود بروسيسر عشان ينهرس زياده. ومن يبرد احطه فوق طبقة التشيز كيك واخليه مال ساعتين في البراد وبعدها يمكن تقديم التشيز كيك بارده.