أول حاجه عملت الكراميل بإني حطيت السكر على النار مع شوية ميه حوالي ربع كوب لغاية ما لونه بقى غامق بس مش قوي وبعدين فضيت الكراميل في الصينية اللي هعمل فيها الكيك.... ورصيت حلقات الأناناس في الصينيه فوق الكراميل..

نيجي للكيك نضرب البيض مع الفانيليا كويس قوي لغاية مايعمل رغاوي وبعدين نضيف السكر ونضرب تاني وبعدين نضيف الزبادي ونضرب تاني وبعدين الزيت ونضرب تاني بعدين نضيف الدقيق بالبيكينج باودر ونقلب وفي الآخر نضيف ربع كوب عصير الأناناس ونخلط كويس لغاية مايبقى الخليط متجانس

نصب الخليط في الصينية وندخلها فرن متسخن على٢٠٠ وبعد ١٠ دقايق نقلل الحراره ل١٦٠ لمدة نص ساعة وتختبري السوا بخلة أسنان أو عود الشواء
وبالهنا والشفا
ميمى —