إفتح في تطبيق كوكبادالخطوات
- 1
اوﻻ بننقع الارز البسمتى ربع ساعه ونصفيه.
- 2
نيجى بقى ياقمراات للفرخة نتبلها ازى: في طبق صغير نحط شويه زعفران وشويه ملح وفلفل اسود وشويه زيت وشويه بهارات وقلبيهم كويس نجيب الفرخة وتكون مغسوله ومشقوقه نصفين ونعمل فيها فتحات بالسكين ماشى ياحلوين وندهن بقى الفرخة الجميله بتاعتنا بالزعفران نتركها على جمب
- 3
كده جميل يابنات ونحضر ورق الغويل ونغطى الصينية كويس جدا ونعمل فتحات بالسكين في ورق الفويل عشان يطلع البخار اللى هاييسوى الفرخة ونجيب فرختنا الحلوة ونحطها فوق الفويل ونغطيها بطبقة فويل تانيه ونحكمها عشان البخار مايطلعش بره
- 4
نحضر صينية ونحط فيها الرز البسمتى اللى نقعناه وعليه القرفة والحبهان والقرنفل وورق اللورى ومعلقتين زبدة والشوربة تكون سخنه انا بحط كوب وربع شوربه على كوب الارز
- 5
بعد كده تكون مولعه فحمه على النار ونشيل الفراخ في طبق ونشيل الفويل وهنلاقى الرز واووو شكله وريحته تهوس اوﻻ عشان صوص الفرخة بينزل من الفتحات اللى عملناها في الفويل والرز بيشرب منها اثناء السوى عشان كده بنقلل الشوربه واحنا بنسوى الرز وبنعمل حساب الصوص اللى هاينزل من الفرخة ﻻنك لو زودتى الشوربة ممكن الرز يعجن منك
- 6
وندخلها الفرن على الرف اﻻوسط بتاخد ساعه على درجة 170
بعد الساعه مانمر نطلع الصينية من الفرن ونشبل ورقة الفويل اللى فوق ونرجع الصينيه بس المرة دة تحت الشوايه عشان الفراخ تاخد لون التحمير - 7
نجيب فنجان قهوة ونحط فيه ورقه فويل ونرص الفراخ على الرز في الصينيه تانى والفنجان نحطه في وسط الرز ونحط الفحمة المولعة فيه ومعلقه زبده صغيرة ونغطى الصينية بالفويل بسرعة عشان الفرخة تاخد ريحة الشوى واتركيها 10 دقايق تاخد من ريحة الشوى وقدميها في سرفيس وجرنشى الطبق زى ماتحبى وكلى أحلى مندى من ايدك ياقمررر ويارب اكون وفيت الشرح
ﻻتنسونى من صالح الدعاء
ميمى
وصفات مشابهة
وصفات ننصحك بمشاهدتها
التعليقات