في قدر, نضع شوية زيت ونضيف اللحم او الدجاج والبصل المقطع على اربع والجزر كذلك وطماطم والبطاطا والثوم وشوية طماطم مصبرة وشوية كزبرة وكرافس و شوية فلفل اسود وشوية قرفة وشوية راس الحانوت وكمون وزنجبيل و المكعب.

نقلي على نار قليلة. كي يتقلى مليح, نضيف الماء الساخن ونزيد النار. كي يولي يغلي, نضيف شوربة المرمز ونخليها طيب.

بعدما نشوف الخضرة طابت, ننزع الكزبرة والكرافس واللحم او الدجاج ونطحن الكل. ونعاود نديرها في النار, كي تغلي نطفي.

تقدم مع الليمون. بالصحا والهنا, ان شاء الله.