بعد تنضيف الدجاج بنفركه ب ملح خشن وليمون وزيت زيتون وبنتركه ساعه وبعدين بنغسله وبنفرم بصلة فرمة كبيرة وبنحطها بطنجرة مع الزيت

بنقلب البصلة بملعقة زيت قلي وملعقتين وزيت زيتون لحد ما تدبل وبعدين بنضيف قطع الدجاج وفوقهم ملح وفلفل اسود وكمون ومكعب ماجي و عود القرفة والزنجبيل وورق الغار والليمونة الجافة وبقلبهم مع الدجاج لغاية ما يصير لون الدجاج أبيض بضيف ألمي وبتركها تغلي لغاية ما تستوي الدجاجة

بقطع البصل مربعات صغيرة وبحوسها بزيت القلي وزيت الزيتون و ملح وفلفل اسود وسماق وكمون لغاية ما تدبل البصلة من غير ما تتحمص

بعدين بصينية واسعه بدهنها زيت زيتون وبجيب صينية تانية بحط فيها شوية من مرقة الدجاج يلي عملته بعد ما اصفيه طبعا باخد قطع الخبز بغمسها بالمرقة وجه وضهري وبصفها بالصينية وبحط فوقها ملعقتين من البصل وهيك لغاية ما نخلص الخبز والبصل

بعدين بنحط الدجاج المسلوق فوقهم وبنرش عليه سماق وعلى الفرن على درجة حرارة ١٥٠ لمدة نص ساعه نار من فوق ومن تحت

ولما يطلع بنزينه بالللوز و الليمون وصحة وعافية