إفتح في تطبيق كوكبادالخطوات
- 1
الجوز بتشمسيه كم يوم وبتكسريه انا بكسرو بايدي.
- 2
بتجيبي البيتنجان بتشيلي راسن وبتسلقيون وبتحاولي يكونو كلن مغمورين بالمي مشان مايسودو من فوق المهم بتسلقيون حسب السوا اللي بدك ياه .. مافيي حددلك قديش بدن وقت حسب النار اللي عندك وحسب كميتن انتي بدك تدسي البيتنجانه وبتعرفي ايمتى بتستوي.
- 3
صفيون وكبي عليون مي بارده لتنزل حرارتن بعدين كل بيتنجانه بتعمليلا شق زغير ببطنها وعبيه ملح خشن حصوا وشكي راسا بالملح وحطيون فوق بعض بشي مصفايه وتحتن قماشه واكبسيون منيييح منيح .. بيتحملو كبس يوم كامل ليوم ونص.
- 4
الحشوه : بتنضفي الفليفله وبتطحنيا خشنه وبتصفيا.. صفيا منيح منيح وبعد اول يوم حطيا متل ماهيي بالبراد بمصفايتها مشان ما تخم برا وبتكمل تصفايتها( لاتخافي عليها بالبراد بتضاين تلات واربع ايام)
- 5
بتخلطي الجوز المكسر مع الفليفله مع التوم المطحون ورشة ملح .وبتبلشي حشي وبتصفيون بالقطارميز بس لاتبالغي بكبسن.. وطبيه للقطرميز فوق صحن رح ترجع تنزل منو مي هالمي مابدنا ياها لانها بتخلي المكدوس يحمض.. خليه مطبوب يوم واذا ماعد نزل مي خلص عييه زيت زيتون او مازولا متل مابدك. واذا بنفس اليوم مانزل مي فورا عبيه زيت. وبعد تلات ايام بيكون جاهز. طبعا انا لما عبيتو زيت ماننطرنا لا تلات ايام ولا تلات دقايق بلشنا هجوم فورا عليه ههههه
الكوكسناب
وصفات مشابهة
وصفات ننصحك بمشاهدتها
التعليقات