نبشر بصله متوسطه مع اربعة فصوص ثوم ونشوحها بشوية زيت على النار.

بعد مايذبلو, نحط عليه اللحم المفروم ونقطع عليه بقدونس وشوية كزبرة. ونسوي لها بهارات, فلفل, كمون, ملح, رشة بابريكا. ونضيف ملعقة كبيرة معجون طماطم. ونخليها على النار لحد ماتستوي.

نقطع البطاطس والباذنجان شرائح ونقليه بزيت ساخن.

بعدين نسوي اللحمه المفروم طبقه اولى بصحن بايركس ونسوي فوقها البطاطس لحد مايتغطى والطبقه الثالثه باذنجان. ولك حرية العدد, ممكن مره وحده وممكن اكثر من مره تسوي الطبقات.

اخر شي نبشر الطماطم ناعم ونسوي عليه ملعقة معجون طماطم وشوية فلفل اسود وكمون وملح. ونخلطه تمام ونصبه على الباذنجان ونرش عليه شوية بقدونس.

ندخله للفرن شوية بس عشان تنشف. وبالعافيه. 🌺