لعمل حشوة اللحم في مقلاة على النار حمري البصلة بعدين حطي اللحمة وقلبيها وحطي معها مكعبات الماجي وفلفل اسود وزنجبيل مطحون وقلبيها حتى تستوي بعدين حطي الصلصه وخليها على النار وانت تقلبينها تقريباً 5 دقايق، طفي عليها وخليها على جنب.

اسلقي المكرونه اسباجيتي وخليها على جنب.

لعمل البشاميل بالخلاط اخلطي الكريمة مع القشطة وحليب نيدو وجبنه كرافت ومايونيز، في قدر على النار سخني الزيت والزبده وحطي الطحين وحركي حتى يصير لونه ذهبي فاتح، صبي خليط الكريمة وانت تحركين ثم صبي ماء واستمري بالتحريك حتى يبدأ يثقل شوي، حطي فلفل اسود وملح وحركي حتى يصير البشاميل شوي ثقيل، احتفظي بكمية من البشاميل في زبديه لوجه الصينية.

حطي المكرونه على البشاميل بالقدر وحركيها بعدين خذي منها قسم وحطيها بالصينيه وحطي عليها قسم من حشوة اللحمة ورشيها بجبنة موزاريلا، وحطي طبقه ثانيه مكرونه وغطيها باللحمه بعدين صبي البشاميل اللي كان بالزبديه غطي فيه الوجه ورشيه بجبنة موزاريلا ودخليها الفرن حمريها وبالعافية.