إفتح في تطبيق كوكبادالخطوات
- 1
نعمل العسل وده انا بعمله بكميه قبل رمضان بيومين ويحفظه في برطمان من الزجاج والطريقة: نضع السكر والماء في حلى على النار متوسطه مع التقليب وعندما يغلى نضع عصير ليمونه مع التقليب المستمر لمده 10 دقايق او اكتر حتى يتقل ونضع الفانيليا ونقلب بالمعلقه حتى يتقل شويه لانه بعد مايبرد بيتقل اكتر.
- 2
وانا عايزاه مش تقيل اوى ونضع زيت الذره أو ملعقه زبده في العسل وده عشان يلمع كده ويكون قوامه جميل
- 3
نجيب الجلاش واقطعهةعلى مقاس الصينيه اللى هعملها انا الصينيه عندي مدوره وممكن مستطيله حسب الرغبه
- 4
نفرد الجلاش ونقسم عدد ورقات الجلاش على نصفين.
- 5
نحضر الصينيه وندهنا بالزبده السايله ونضع ورقه ورقه من الجلاش وندهنها بالفرشاه حتى تنتهى نصف الكميه
- 6
طريقه الكريمه بحط 2 كوب لبن في حله على النار ونضع السكر حسب الرغبه والفانيليا وندوب 3 ملاعق كبيره نشأ في نصف كوب لبن او ماء ونضعهم على اللبن ونقلب حتى بصبحوا اخف من المهلبيه شويه
- 7
نضع الكريمه في الوسط ونفردها بحرص مع ملاحظه عدم وضعها على حرف الصينيه حتى لا تحترق ونضع القشطه عليها ونوزعها على الكريمه ونضع النصف التانى من الجلاش بنفس الطريقه النصف الاول
- 8
وعند انتهاء الكميه هقطعه الى مكعبات او مربعات مع الحرص حتى لا تطلع الكريمه بره هسخن الفرن على درجه حراره 180 درجه وادخل الصينيه حتى يحمر وجهها واسقيها بالسيرب او القطر البارد وهى سخنه الخطوه دى ضروريه وبالشكل ده يكون عندي احلى صينيه بقلاونه بالكريمه والقشطه
- 9
ممكن اضع على الوجه قطعه قشطه حسب الرغبه وبالهنا والشفا
الكوكسناب
وصفات مشابهة
وصفات ننصحك بمشاهدتها
التعليقات