نضع فى إناء على نار متوسطه الماء ومعه الملح والسكر والزبده، لما يغلى ننزل بالدقيق واحده واحده مع التقليب لحد اما تتجانس العجينه وتلم وتعمل كوره.

نسبها تبرد ونسخن الفرن على اعلى درجه ونبتدى نجهز الحشو نضرب كريمه الخفق من بوك لحد اما تتماسك ونضعها فى التلاجه شويه.

نسيح الشيكولاته فى حمام ماء ونضع معاها ملعقه ماء وملعقه زبده علشان لما تمسك تكون فيها ليونه شويه مش ناشفه.

نجيب العجينه بتاعتى ونشتغل بالمضرب ننزل بيضه بيضه واحده واحده ونعجن بالمضرب لحد اما البيض كله بتشرب فى العجينه ونضع معاه الفانيلا

نجيب صينيه عليها ورق زبده ونضع العجينه فى كيس الحلوانى وننزلها واحده واحده على شكل اصابع بطول مناسب فى الصينيه.

تكون مرصوصه أصابع الاكلير وبينهم مسافه علشان لما تنفش فى الفرن، ونضعها فى الفرن على الشبكه فى الوسط.

نسبها حوالى اول ربع ساعه على النار العاليه وبعد كدا تهدى شويه النار لحد اما يستوى وتاخد لون دهبى.

بس اهم حاجه مانفتحش عليه خالص علشان مايهبطش.

بعد كدا يخرج من الفرن يبرد ونبتدى تفتحه من النص زى نظام السندويتش.

وتحشيه بالكريمة او المهلبية حسب الرغبه ونمسكه من الاطراف ونغمسه من فوق فى الشيكولاته وندخله الثلاجه وبالف هنا وشفا.