طريقة عمل صفيحه او لحم بعجين
طريقة عمل صفيحه او لحم بعجين
إفتح في تطبيق كوكبادالخطوات
- 1
كيلو طحين مع ملعقه صغيرة ونصف ملح وملعقه صغيرة سكر وملعقه صغيرة خميرة فورية منخلطون مع بعض ومنضيف كاسة لبن زبادي ومنفرك العجينة برؤوس الاصابع لتصير فتافيت صغيرة.
- 2
بعدو منضيف كاسة مي دافيه و2 ملعقه-كبيرة زيت منحطن ع ايدنا وقت العجن بسهل علينا ومابتلزق العجينة بالايد وبس تشكل معنا عجينة طريه ومابتلزق منغطيا ومنتركا شي ساعتين.
- 3
هلا منجهز تبله اللحمة: النوع الأول لحم مع الخضار، نصف كيلو لحم مفروم ناعم جدا مع باقه او حزمة بقدونس مفروم ناعم ومغسول و2 بصله مفرومة ناعم قلبتا عالنار مع قليل من الزيت وبعدو ضفتا عاللحمة.
- 4
فرمت 3 حبات بندورة وحبة فليفله خضرة مفرومة وملح وفلفل اسود مطحون وملعقه صغيرة فليفله حمرة حرة تبع المكدوس و2 ملعقه-كبيرة صلصة طماطم معلبه منخلطون مع بعض وهيك بتكون جاهزة للفرد فوق العجين.
- 5
النوع التاني: نصف كيلو لحم مفروم ناعم جدا مع 2 بصله كبيرو مفرومة ناعم كمان قلبتا عالنار مع شوية زيت لحتى صار لون البصل شفاف وضفتا عاللحم مع 2 ملعقه-كبيرة لبن زبادي و2 ملعقه-كبيرة طحينة وفنجان قهوة دبس رمان وملح وفلفل اسود مطحون منخلطون مع بعض وهيك بتكون جاهزة.
- 6
بعد تخمير العجينة مناخد قسم ومنشكل اسطوانة ومنقطعا قطع متساويه.
- 7
مناخد كل قطعه منفردا بالشوبك بسماكة رقيقه جدا جدا ومنقطعا ع شكل دائري باي وجه علبه ومنحط القرص بمقلايه حاميه وفوقو ملعقه-كبيرة حشوة وخلال ثواني منلاقي العجينة من تحت بلشت تتحمر.
- 8
منرفع القرص ومنحطو بصينيه للفرن ونفس الخطوة منكررا لتخلص اللحمة وهيك الاقراص جاهزة للتحمير من فوق فقط بالفرن مندخلن تحت النار الفوقانيه مباشرة وبس نشف اللحمة منطالع الاقراص ومنغطيون لنحافظ عالطراوة.
الكوكسناب
وصفات مشابهة
وصفات ننصحك بمشاهدتها
التعليقات