اول شي بصل وثوم ونشوحه على الزيت
ثم نحط الجزر شرائح رقيقه والفلفل شرائح رقيقه وبعده نحط صدور الدجاج مقطع
وبعد نبهره

البهارات الى هو
كمون نص ملعقه كبيره
كاري نص ملعقه كبيره
بابريكا نص ملعقه كبيره
وملعقه كبيره صويا حلوه
وملح ملعقة صغيرة
ونطفي عليه

وفي قدر ثاني على النار نحط ٥بطاطس بماء ساخن
حتى يستوي وبعده نطلعه ونهرسه ونحط عليه ملح ملعقة صغيرة وفلفل اسود ملعقة صغيرة ونحط كوب جبن موزاريلا ونعجنه وبعده نكوره
نجيب البايركس زجاج ونحط عليه خلطه الدجاج كله وبعده نحط كور البطاطس فوقه ونصفه

وبعده نحط خلطه الى هو علبتين قشطه وأربع ملاعق جبن سائل ونصبه فوقه وأخيرا نبث فوق الطبقة جبن مورزلاء وعلى الفرن من فوق حتى يستوي لونه ومن تحت بس ١٥دقيقه