ننقع الرز بمي دافية تلت ساعة

ننظف الدجاج منيح وبنسلقو مع شوية بهارات وورق غار وفلفل اسمر

بعد ما ينسلق الدجاج بنصفيه من المي وبنقليه (حسب الرغبه)

بنقطع البطاطا و الباذنجان دوائر وبنقليهم

بنصفي الرز وبنغسلو بمي باردة منيح وبنبهرو برشة ملح ورشة فلفل وفلفل وملعقتين كبار بهار مشكل

بنرتب الاكل بالطنجرة اول شي البطاطا و البذينجان بعدين الدجاج واخر شي الرز

اخر شي بنضيف مرقة الدجاج لحد يغمر الرز او اكتر بشوي وعلى نار هادية لحد ما يستوي الرز تقريبا بدو نص ساعة

وصحة وعافية