اول شي منقي الفريكة منيح مرتين بكون احسن ومنغسلها منيح ومنحطها على جنب

منجهز اللحمة منسلقها مع المطيبات ومامننسى نشيل الزفرة عن اللحمة كل ماطلعت عالوجه ومنضيف بصلة صغيري مقطعة مكعبات

نصيحة صغيري اذا بدك اللحمة تستوي وتطلع طرية وشقرا حطيلا رشة سكر عند السلق 😋

منجيب طنجرة تيفال ومنحمس فيا اللية حتى يطلع كل الدهن الى فيها وبعدين منفرم بصلة صغيري ومنحمسها مع اللية حتى البصلة يصير لونها ذهبي

منحط معلقتين السمنة ومنحط الفريكي وهلاء منهدي الغاز ومنصير نحمس الفريكة ونقلب فيا لمدة ربع ساعة او عشر دقايق هيك بتضمني الفريكة تطلع مفلفلي 😉

بعد ما تستوي اللحمة ونخلص من تقليب الفريكي منصفي اللحمة والمرق ومنضيف لكل كاسة فريكة كاستين مرق لحمة

ومنحط اللحمة بقلب الفريكة منزبط ملحها ومنزود الفلفل الاسود ومنغطي الطنجرة بقصدير او السلفان ومنحط الغطا ومنخلي الغاز قوي لمدة عشر دقايق بعدين انسيها لمدة ساعة كاملة على نار هادية كتير

بعد ساعة منكشف على الفريكة ومنحركها بالشوكة او بمعلقة كبيري ومنسكبها بصينية او جاط تقديم ومنزين وجها باللحمة الناعمة والمكسرات

عبين ما تستوي الفريكة منكون نحنا حمسنا اللحمة المفرمة مع السمنة ورشة ملح وفلفل اسود ومنقلي المكسرات ومنخلطهم مع اللحمة

جمبا سلطة خيار بلبن والف صحة وهنا. لحظة ما خلصنا. جربوها عنجد شي طيب 😘😘😘