بالبداية، منرش دقيق فوق السّطح اللي بدنا نفرد عليه العجينة. منغلف قطعة عجين بالدقيق من الجهتين، ومنفردا بالشوبك بهالطريقة لنحصل على دائرة كبيرة. هالدائرة لازم تكون بحجم صينية الفرن المتوفرة عنا.

على مهل، منوضع الدائرة على صينيّة مدهونة بالزيت. منفرد العجينة التانية بالشوبك لنحصل على دائرة كبيرة بنفس حجم الدائرة الأولى، ومنحفظا على جنب.

هلأ رح نوزّع الحشوة على دفعتين. بوسط العجينة الأولى، منسكب كوب من الحشوة على شكل دائرة. منترك مسافة صغيرة حول هالدائرة ومنوزع كمية إضافية من الحشوة بهالطريقة. مننتبه إنو نترك مسافة بين الحشوة وأطراف العجينة حتى ما تتسرب الحشوة للخارج أثتاء تشكيلا.

منغطّي الحشوة بالعجينة الثّانية، منتخلّص من الزوايد بالسكين ومنضغط على أطراف العجينتين لنوصلن ببعض بشكل جيد.

منوضع كوب دائري صغير بوسط العجينة لنحدد دائرة. لنثبت الأطراف ونمنع تسرّب الحشوة منن، منضغط علين بالشّوكة بهالطريقة.

من بعدا، منقطّع العجين لقطع متساوية من الدائرة حتّى الأطراف بهالشكل.

وهلّأ وصلنا لأهم خطوة بتشكيل الشمس . منرفع الكوب من الوسط. على مهل، منمسك طرف 1 من القطع ومنقلبا بواسطة السباتيولا بهالشكل لتصير الحشوة ظاهرة. هالخطوة بتحتاج لدقة وحذر لأن ممكن تتسرب الحشوة من العجين بسهولة.

منكرّر هالطريقة لكلّ القطع، ومننتبه انو نقلبن كلن بنفس الاتّجاه لنحصل على شكل الشمس. أخيرا، منزينا ببزر دوّار الشّمس.

مندخّل الصّينيّة عالفرن الحامي ومنتركا لمدّة 15 دقيقة أو ليصير لون العجين ذهبي.