بالبداية، منرش دقيق فوق السّطح اللّي بدنا نفرد عليه العجينة. منغلّف العجينة بالدقيق من الجهتين ، ومنفردا بالشّوبك بهالطريقة لنحصل على دائرة كبيرة. هالدائرة لازم تكون بحجم صينية الفرن المتوفرة عنا.

على مهل، منرفع العجينة من السطح، ومنوضعا على صينيّة مدهونة بالزيت.

وهلّأ، منبدا بتشكيل الوردة. منوضع طبق مدور صغير بوسط العجينة ومنرسم دائرة حوله بهالطريقة.

بأي غطا قنينة متوفر عنّا، منقطع دائرة صغيرة بوسط الدائرة اللي رسمناها ومنتخلص منّا.

بقطاعة البيتزا، منقطّع الدائرة لـ 8 مثلّثات متساوية بهالشكل.

مننتقل لسكب صلصة البيتزا. مندهن الصلصة حول الدّائرة بهالطريقة، لكن مننتبه انو نترك مسافة بين الصّلصة وأطراف العجينة حتى ما تتسرب الصلصة للخارج.

من بعدا، منوزع الجبنة عليا بهالشكل.

وهلّأ وصلنا لأهم خطوة بتشكيل الوردة.منمسك طرف 1 من المثلثات، منقلبو للخلف، ومنوصلو بطرف العجينة بهالطريقة. منثبّت الطرف جيّدا حتى ما يفلت معنا. منكرر نفس الطريقة لباقي المثلثات حتى يكتمل عنا شكل الوردة.

لنعطي البيتزا لون ذهبي ، مندهن وجها بالبيض المخفوق. وأخيرا، منزينا بالسّمسم.