مننزع القشرة الخارجية عن حبة التوم بهالشكل.

لتقشير حص ثوم، منضغط عليه بالسكين بهالشكل ومنتخلّص من القشرة .

إذا كانت وصفتنا بتحتاج لعدد كبير من حصوص التوم، منوضع الحصوص بماي مغلية لمدة دقيقة.

بذلك بتطرى قشرتن ويسهل نزعا. بهالطريقة منوفّر كتير من الوقت.

وهلأ مننتقل لطرق تقطيع التوم. إذا كانت وصفتنا بتحتاج لحصوص ثوم كاملة ، فمنكتفي بتقطيع أطرافن.

إذا كنا منحتاج لقطع ثوم كبيرة ، منقطع حص الثوم بالنص ومن بعدا منقطعو مربعات بهالشكل.

وإذا كنا بحاجة لقطع أصغر، منكرر الخطوة السابقة، ومن بعدا منفرم الثوم مرة ثانية لنحصل على مربعات أصغر.

وممكن أيضا نقطّع حص الثوم لشرايح رفيعة متل ما شايفين.

وهيك منكون جهزنا الثوم على أشكالو لاستعماله بالطبخ.