بالبداية، منقطع راس البصلة ومنتخلص منه.

من بعدا، منقطع البصلة بالطول لنصفين. مننزع قشرة البصلة عن كل قطعة بهالطريقة.

مننتقل لتقطيع البصل.خلال تقطيع البصل، بتخرج منه كمية من السوائل بتحتوي على غازات بتحرق العيون. للتخفيف منن، ضروري نستخدم سكين حاد أثناء تقطيع البصل. أيضا، منغسّل البصلة المقشرة بماي باردة قبل تقطيعا.

لفرم البصلة بطريقة سهلة وسريعة، منقطّع البصلة بالعرض باتجاه جذورا لكن بدون ما نقطع بشكل كامل.

من بعدا، منقطّع البصلة بالطول بنفس الطريقة أيضا.

وهلّا منفرم البصلة بأي حجم منريدو بكل سهولة.

لنقطّع البصل لأقمار، منقطع البصلة بالنصف ومن بعدا منقطع كل نصف لشرايح بهالشكل.

لنعمل حلقات من البصل، منقطع أطراف البصلة ، ومن بعدا منقطّعها لشرايح دائرية. وبهالطريقة، صار البصل جاهز لنضيفو لوصفاتنا.