الخطوة الأولى هي تقطيع فخدين الدّجاجة. منوضع الدجاجة بطريقة يكون صدرا وأفخادا للأعلى. منشد الفخد بعيدا عن الدجاجة ، منمرّر السكين فوق الجلد بهالطريقة ومنقطع لنوصل للمفصل.

لما يظهر المفصل، منلوي الفخد بعكسه لنسمع صوت كسر.

وهلّأ منقطع الفخد بشكل كامل. منكرر نفس الطريقة لنقطع الفخد التاني.

الخطوة الثّانية هيّ تقطيع الجوانح. منشد الجانح بعيدا عن الدجاجة ، منحدد المفصل ومنقطع عندو لنفصل الجانح بشكل كامل.

لنتخلّص من طرف الجانح أو يد الدجاجة، منحدد المفصل بوسط الجانح ومنقطع عنده. منكرر نفس الطريقة لنقطع الجانح التاني.

الخطوة الثالثة هي تقطيع الصّدر. صدر الدجاجة موصول بعظمة الظهر، ولحتى نقطع الصدر، يجب إنه نتخلّص من عظمة الظهر بالأول.منلاحظ إنو على كل جانب من الدجاجة، يوجد خط دهن أبيض بيوصل الظهر بالصدر. بواسطة مقص المطبخ، منبدا بالقص عند الفتحة الموجودة بالأسفل ومنتبع خط الدهن الأبيض لنحصل على جزئين: الجزء الأول هو عظمة الظهر والجزء التاني هو الصدر.

منلوي الجزئين بعكس بعض ومنفصلن عن بعض بالسكين. منحتقظ بعظمة الظهر لنتستخدما بتحضير مرق الدجاج.

بيتألّف الصدر من قطعتين. رح نتعلّم طريقة فصلن عن عظمة الصدر. لنسحب أول قطعة صدر، منبدا بالتقطيع من طرف عضمة الصدر لحد ما نفصل الصدر عن العضمة بشكل كامل.

منتخلّص من الزوايد بهالشكل. منسحب القطعة التانية من الصدر بنفس الطريقة. صارت كل أجزاء الدجاجة مقطعة وجاهزة للطبخ.