نضع اللحم بالطنجرة لحتى تطلع زفرتها بتخلص من كل الماء يلي طلعت فيه الزفرة ونغسل قطع اللحم ونضع ماء ساخن جديد وبصلة بنفرمها وبنحطها وهيل وبهارات مشكلة وملعقتين سمن بلدي

وبضغطها ساعة الا ربع بطنحرة الضغط ممكن نص ساعة بس انا بحبها دايبة كتير

الرز بنكون ناقعينو بماء سخنة أقل شي نص ساعة وبتفلفلي بطريئك مع ملح وشوية كركم وبسمنة بلدية ملعقة ونص تقريبا

الجميد بنقعو بماء سخنة من ربع إلى نص ساعة وبعدها بحطو بالخلاط مع اللبن ومرق اللحم وبخلطو وبحطو على النار وبحرك ليغلي وبحط قطع اللحم فيه

اخر شي بحمص اللوز أو الصنوبر بالسمن البلدي وبحطو على وش الرز مع شوية بقدونس مفروم ناعم وصحتين والف عافية