إفتح في تطبيق كوكبادالخطوات
- 1
قبل ما تعملي الكشري بـ3 او 4 ساعات انقعي العدس بجبه لوحده في شوية ماء والحمص بتاع الكشري انقعيه برضو لوحده في ماء ولما يعدي عليهم كام ساعة منقوعين..
- 2
حطي الحمص على النار مع ملح لغاية لما يستوي.لو استوت اطفي النار
- 3
خرطي بصلتين صغيرين دوائر وفصصيهم بحيث ان كل دايره تبقي لوحدها. رشي على البصل دا شوية ملح مع معلقتين دقيق وقلبيهم كويس خالص مع بعض
- 4
سخني الزيت على النار وحطي فيه البصل دا وافضلي قلبي لغاية لما يبقى لونه ذهبي. صفيه من الزيت كويس وشيليه في طبق "دا كدا هيتحط على الوجه".
- 5
ملحوووظه 👈 الزيت بتاع البصل دا هتستخدميه في كل حاجة الكشري الباقيه.
* اعملي الصلصة 👈 بصلةصغيره حمريها في زيت البصل وقبل ما تحمر بشويه شيلي ملعقة بصل منه على جمب وحطي على الباقي معلقتين ثوم مفرومين وكملي تحمير وبعدين رشة قرفة "تحفه مع البصل" زودي بعصير طماطم تقيل وملحك وكمونك ورشة سكر"ياااريت يعني" - 6
اعملي الرز 👈 في معلقتين زيت من بتاع البصل.. حمري شوية شيعريه واول ما تحمر حطي الرز ومعلقة البصل ال شلتيها دي 👆 قلبي تقليبتين وحطي عليه العدس بجبه المنقوع بعد ما تصفيه من الماء.
زودي شوربه او ماء ومرقه لغاية ما الرز يتغطي. حطي ملح وكمون وغطيه. لما يغلي خففي النار وسيبيه يستوي. - 7
المعكرونه 👈 حطي ماء على النار تغلي وحطي عليها معلقتين زيت من بتاع البصل برضووو ومعلقة ملح. لما يغلي حطي المعكرونه"معكرونه صغيرة بتاعت الكشري مع شوية معكرونه سباغيتي متكسرين" لما تلاقيها استوت طفي النار وصفيها واغسليها بميه بارده. "هتعرفي ازاي انها استوت؟ تمسكي واحده وتدوسي عليها بايدك"
- 8
الدقه والشطه
* الشطه 👈 خدي 3 ملاعق من الصلصة حطيهم في طبق وحطي عليها ملعقة زيت من بتاع البصل ملعقة خل ومعلقة شطه.. دي كدا الشطه - 9
الدقه دي احلى حاجه في الكشري
ملعقة ثوم مفروم وعليه ملح وكمون ومعلقة زيت من بتاع البصل برضوو وخل بقى كتيير وعصير ليمونه وشوية ماء. تأخذ غلوه على النار وبس كدا - 10
في طبق التقديم
من تحت رز وفوقه معكرونه وفوقه الصلصة ثم الحمص ثم البصل.. ثم بالهنا والشفا 😂😍
الكوكسناب
وصفات مشابهة
وصفات ننصحك بمشاهدتها
التعليقات