نضع راس الملفوف في ماء مغلي حتى تلين الورقة بعدين نشيل الورقة من الراس بعدين نقطعها انصاف ونشيل الضلع القاسي منها لحتى تنتهي الكمية يلي عنا

نجهز الحشوة نصفي الرز ونغسله وهلق نضع الرز والملح والفلفل والبهارات واللحمة والكمون والعصفر او العقدة الصفرة ونضع الزيت المازولا وشوي ماء

نضع الورقة ونضع الحشوة ونلف الورقة لحتى تخلص الكمية نضع الورق الملفوف في طنجرة ونضع الماء وشوية ملح ونضع حجر ثقيل مشان ما يفرطو

ونتركهن على نار عالية مدة نص ساعة وبعدين نشوفهن اذا استوو اذا لا منحط دبس الرمان والثوم المهروس ورشة ملح ليمون ومنتركهن يغلو حتى تستوي الحبة