متل ماشفتوا مكوناتها كتير بسيطة وطريقة طبخها كمان سهلة وبسيطة أول شي بدنا نشن اللبن بالمي لحتى يصير متل الحليب

منغسل الرز بدون ننقع طبعاً ومنضيفه على اللبن ومنحطه على النار ومنضل منحرك لحتى يغلي

طبعاً بعد مايغلي منضل عمنحرك بس مو بشكل متواصل فينا نحرك شوي ونريح شوي لحتى ينضج الرز ويصير اللبن فيه لزوجة مايضل سائل

بعدين منحط ملعقة السمنة ومعاها الثوم المهروس على النار ومنحركن ليشقر الثوم ومندلقه فوق اللبنية وهيه عمتغلي ومنحركها لياخد اللبن طعم الثوم ومنزبط الملح على زوءنا كل مين حسب مابحب

منصب اللبنية بصحون كبيرة وغميقة شوي ومنتركها لتبرد شوي وبهالوقت منطبخ جنبا برغل بشعيرية ومنقدمه معا وصحتين وعافية على ألبكن بتمنى تجربوها كتير طيبة 🌷