نغسل الزبيب و نحطو في شوية ماء دافئ مع ماء زهر نغطيه و نخليه بجنب

ننخل السميد و الفرينة (طحين) و نديرهم في جفنة عريضة

نزيد عليهم الخميرة نخلطهم مليح من بعد نلم بالماء حتى تتشكل عجينة

نبدا نضيف في الماء تدريجيا و نعجن كيما اي مثل الخبز نبقى نضيف حتى ينطلق نزيد الملح

رايح يتشكلولنا كويرات من العجين نبقا نحل فيهم بيدينا مع إضافة الماء حتى يولي سائل ثقيل شوية على ليكراب

نغطيه و نخليه يخمر بعد حوالي نصف ساعة نكون درت الطاجين على النار يسخن مليح نقص للنار شوية و نجرب اول خبزة اذا ما تثقبش مليح نزيد خميرة الحلوة للعجين و نخلط مليح من بعد نرجع نطيبو و بعد ما نغرف و نسوي سطح الخبزة نرش عليها حبيبات الزبيب المنقوع بعد ما صفيتو و قطرتو مليح

فالاخير ندهنو بالزبدة ذائبة و العسل و بالصحة و العافية.