فيجوم، فاصوليا حمرا، سودا
أكله برازيليه ولاتينية ..اسمها فيجوم بتكون فاصوليا حمرا او سودا او بنيه حتى ،بتنطبخ مع لحمه او بدون مع رز على جنب
سهلة كتير و زاكية ومفيدة جدا بنفس الوقت
فيجوم، فاصوليا حمرا، سودا
أكله برازيليه ولاتينية ..اسمها فيجوم بتكون فاصوليا حمرا او سودا او بنيه حتى ،بتنطبخ مع لحمه او بدون مع رز على جنب
سهلة كتير و زاكية ومفيدة جدا بنفس الوقت
إفتح في تطبيق كوكبادالخطوات
- 1
اول شي بنعملو انو بنقع الفاصولياء قبل بالليله بالماء. وبنحاول ننتبه انها مش قديمة الفاصوليا ،لان از قديمة بتطول لحتى تستوي لما نطبخها وطعمها راح يكون غير
- 2
بنصفي الفاصوليا وبنضيفهم بالطنجره الضغط ،ربع ساعه لحتى يستوي وبنتاكد انهم استو وبنتركهم بالطنجرة مع الماء تاعها
- 3
بنفرم البصل والثوم ناعم، بنقليهم على جنب بزيت ذرة
- 4
بعد ما يصير البصل لون ذهبي، بنضيف فوقهم كمية من الفاصوليا من غير الماء، وبنصير نفعصهم فوق البصل بهاد الشكل
- 5
وبعد ما نفعصهم بالشوكة بنرجعهم عالطنجره وبنحركهم على نار هاديه ،بنصير انلاحظ انو الشوربه صارت تتمسك وتثقل
- 6
وإذ بدك انها اتكون اثقل، بتاخدي كمان كميه من الفاصوليا وبتفعصيها على جنب وبترجعها عالطنجره
- 7
بنضيف شويه الماجي وكمون وملح وبنحركهم
- 8
السالامي بنقدر نقليهم شويه بزيت على جنب وبنضيفهم عالطنجره ،وبنقدر ننطبخها من غير لحمه وسالامي كمان بتكون اخف وازكى
- 9
بنخليهم يطبخو على نار هاديه ،وعلى جنب بنعمل رز ابيض. وستيك لحمه از بتحبو
- 10
عصره ليمون فوقهم بيعطي طعم كتير زاكي ، او عصره برتقال بطريقه أصول البرازيلية
- 11
صحه وهنا.
كلمات ذات صلة
وصفات مشابهة
وصفات ننصحك بمشاهدتها
التعليقات