نقي اللحم تاعي مليح ونديرو يتقلا مع زوج مغارف زيت في مرميطة كنت حاطتها على النار ونغطيه

لما يتقلا اللحم نرمي عليه حبيبة البصل مقطعة رقيق ونعاود نغلق

من بعد نخلط مليح ونرمي الحمص تاعي مع الرند وعرف الكرافس ونقلب حوالي زوج دقايق

نتبل بالملح والكمون ونمرق بالماء سخون قيس ما يتغطا اللحم تاعي ونغلق المرميطة ونخليه يطيب، اي يستوي على نار هادئة

نقي البطاطا تاعي وقليها هنا نلقا اللحم تاعي والحمص طابو

انا نحب نجمرها فالفور كل وحدة واختيارها نفرغ المرقة مع الحميصة في بلا يدخل للفور واذا كانت مرقة بزاف نقص منها

نستف البطاطا المقلية فوقها ونضرب البيض مع البقدونس مقطع ونغطي بيه وجه البلا تاعي

نحط طراف الحاج من الفوق وندخلهم الفور يكون سخون من قبل على نار متوسطة ونشعله الفوق والتحت حوالي عشر دقايق حتى ربع ساعة وشهية طيبة