رشتة
الرشتة لي حضرتها المرة الماضية درتها اليوم العشاء
إفتح في تطبيق كوكبادالخطوات
- 1
نغسل اللحم تاعي بالماء و الملح و الخل و نقطرو مليح
- 2
ندير القدرة على النار و ندير فيها نصف كمية الزيت لما يسخن نبدا نقلي فاللحم تاعي نقليه مليح من بعد نزيد البصل مقطع رقيق و نقلب
- 3
نقطع الجزر و نزيدو على اللحم و نرمي الحمص و نزيد الملح و راس الحانوت نقلي شوية من بعد نمرق حتى يتغطى اللحم و نغلق عليه لما يدخلو الطياب نزيد البطاطا و الكورحات و اللفت مقطعين
- 4
نجيب الرشتة تاعي تديرها في جفنة و نحلها بالزيت و تديرها تفور فوق المرق
- 5
لما تفور نفرغها فالجفنة و نزيدلها الملح و نسقيها بشوية مرقة حوالي زوج غرارف نحلحلها شوية و نبدا نعاود فيها بالما بارد كيما اي مثل الطعام ما نكثرش الماء بزاف و نرجعها تفور فوق المرق
- 6
لما تفور نفرغها للمرة الثانية فالجفنة و نعاود نفس العملية فقط ما نزيدش الملح الا إذا شفناه ناقص بعد ما نذوق و نعود نفورها
- 7
ملاحظة المرقة اذا نشفت بزاف نزيدلها الماء سخون
- 8
لما تفور الرشتة للمرة الثالثة تديرها في جفنة و نديرلها الزبدة و نقدمها مع المرق و شهية طيبة.
كلمات ذات صلة
وصفات مشابهة
وصفات ننصحك بمشاهدتها
التعليقات (2)