نقشر البطاطا, بعدين منقطعها مكعبات. منجيب البرغل منغسلو.

منحط طنجرة على النار ومنحط السمنه ومنحط فوقها البطاطا ومنحركها. منضل نحركها لنحس, انو طريت شوي.

منحط فوق البطاطا الماجي ومنحركهم سوى ليذوبو مكعبات الماجي. بعدين منحط البرغل.

ومنحركهم ومنحط فوقهم الماء وكمان منحركهم شوي. وبعدين منحط الملح والكمون.

منغطي الطنجرة ومنتركهم على نار هادية لتنشف الماء. وصحتين والف هنا.