إفتح في تطبيق كوكبادالخطوات
- 1
نحضرو الكريمة هي الاولى باش تبرد مليح نقطع الشوكولاته قطع صغيرة و نغلي الكريمة الطازجة مع تبدا تغلي نطفي و نضيفلها الشوكولاته و نحرك حتى دوب مليح و نغطيها بالشفاف الغدائي و نخليها في الثلاجة على الاقل 3 ساعات باه تبرد برك منحوسهاش كونجلي و نجبدها و نطلعها بالباتور حتى تولي كريمة رائعة نغطيها و نخليها في الثلاجة
- 2
في وعاء نحط البيض و السكر و نطلع بالباتور مليح حتى يولي القوام كريمي ابيض و بعدها نزيد الخميرة و الكاكاو و الفرينة (طحين) المنخولين و نخلط بالشوي من تحت للفوق باه ميهبطش الخليط و بعدها نحطو في السنيوة فيها ورق الطهي و نطيبها في الفرن سخون على نار متوسطة 10 دقائق فقط كون طول قي الفرن تجي يابسة و متترولاش و كي نخرجها و هي سخونة نحطها عليها طرشونة و نروليها باه تحكملي الفورم
- 3
الڤلاصاج ساهل نحط السكر في كسرونة حتى يذوب كامل و يتبدل لونو رايح للكارامال نخطلو مغرف زبدة و الشوكولاته السوداء و نخلط مليح حتى يتجانس كلش و نتحصل على ڨلاصاج هايل نخليه يبرد شوي
- 4
نجبد الرولي و نديرلو الكريمة و نروليه عليها و نزيد طبقة كريمة من فوق و نديرلو الڨلاصاج و نزينو بالشوكولاته البيضاء و السوغيز
Keywords
وصفات مشابهة
وصفات ننصحك بمشاهدتها
التعليقات (3)