اولا نعصر حبة البرتقال ونحطها في كأس باش نحضر بيها الشاربات وفي نفس الوقت نخلط السكر والخميرة وفنجان الماء ونخليه بجنب باش تتضاعف

نحط السكر في كسرونة ونزيد ضعف الكمية ماء مخلوط مع العصير ونرمي فيه قشور البرتقالة لي عصرتها باش نزيد نكهة البرتقال ونحطو على النار ونخليه اول ما يبدأ يغلي نحسبلو من ثمنية حتى لعشر دقائق ونطفي

ننخل الفرينة (طحين) ونحطها في إناء من الاحسن يكون عريض شوية ونزيد عليه الزبدة ندخلها فيها شوية من بعد نفقس زوج بيضنخلطهم معاها حتى يتجانسو

نفرغ خليط الخميرة على العجين وندخلو فيه ونزيد برش البرتقال ونخلط من بعد نبدا نضرب فيه بيدي من التحت للفوق تقريبا كيما اي مثل البغرير والعجين لازم يكون جاري شوية اذا شفناها ناشفو نزيد حبة البيض الثالثة بالتدريج حتى نوصل لقوام مطاطي

تبقا نضرب فالعجين ومرة على مرة نجمع حتى ترطاب العجينة تديرها فليمول مدهونين ومرشوشين بالفرينة ونغطيها وتخليها تختمر

لما يتضاعف حجمها ندخلها الفور كنت سخنتو قبل على درجة 180 نشعل من التحت لما يحمارو الجوانب نشعل الفوق وغير تطيب اي تستوي نحطها فالشاربات مباشرة

من بعد نقطرها شوية أو تديرها في أواني ونزينها بالشونتيي وبالصحة والعافية.